《編輯案頭》

| | | 轉寄

轉載:客家前輩溫送珍先生1/19過身

客家前輩溫送珍ti今年一月十九號過身,享耆壽九十七歲,溫老先生一生致力推廣客家語言文化,以身作則親力親為扶持客家後生,成立客家開心會,推廣客家笑科,舉辦客語講笑科比賽,鼓勵細人仔講客,還成立獎學金,then-sú當多人。民國九十八年得著客家貢獻獎終身成就獎,溫老先生留下象徵客家最高榮譽的獎座,堅持lâu新台幣100萬元獎金全數捐岀,還ko拿出自家錢補足稅後差額,ko加碼新台幣一百萬銀元,捐pûn中央大學客家學院。

溫老先生常年投入慈善lâu捐助客家後生,認識kì ke人tu pûn kì燒暖ke身教lâu善良ke心感動。Kì識講:「看著後生人講客、研究客家文化,就試著這一切當值!」承蒙kì對客家、社會ke付出,pûn人十分懷念。