《編輯案頭》

 | | | 轉寄

轉載：2020臺灣客家音樂節：當然愛聲你

作者 2020.12.13

　　Vi傳承客家文化、推廣客家音樂，客家委員會tui舊年(2019年)開始舉辦臺灣客家音樂節，今年he第二年，活動記者會十二月3=三號盛大舉行，客委會主委楊長鎮親自出席，現場邀請著深井新興軒八音團演奏傳統〈緊大八板〉；客家金曲歌后官靈芝現場演唱〈Mase Mase〉經典客語爵士創作；lâu深根臺灣差m̀多yû二十年ke跨國街頭復古樂隊——泥灘地浪人，lâu客籍琵琶演奏家鍾玉鳳共下，頭一擺跨界合作傳統客家歌謠〈百家春〉，象徵「傳統」、「當代流行」、「跨界」音樂演出，為活動揭開序幕。

　　2020年臺灣客家音樂節以「當然愛聲你（客語四縣腔讀音：tông-yàn oi sâng ǹg）』為概念規劃多元系列活動，tui傳統to當代、tui古典to流行、tui跨界to世界，pûn mò共樣所在、mò共樣世代、mò共樣領域ke客家音樂人lâu mò共樣族群，深度參加為期兩隻月ke客家音樂盛事，全臺五縣市，tu yû精彩、鬧熱ke演出陸續登場，包含「臺灣客家音樂節——當然愛聲你」、「鬧棚聲——客家八音堵班．拚場」、「靓聲——客家經典再現演唱會」、「新聲——客家管弦新味緒音樂會」、「後聲——客家流行音樂大賽」、「共鳴聲——客家合唱比賽」、「𠊎庄聲——伙房連庄音樂會」lâu「共下聲——客家歌謠交流觀摩賽」，邀請民眾共下行入風華百變ke客家音樂殿堂、感受熱情好客ke客庄文化！

　　今年主體活動「臺灣客家音樂節——當然愛聲你」，頭一擺以三日音樂節形式呈現，十二月二十五號to十二月二十七號ti臺北華山1914文創產業園區舉辦，m̀單淨yû兩隻音樂舞臺lâu客庄特色市集，還結合體驗工作坊lâu客家音樂影展，yû流行、跨界、搖滾、民謠、古典、爵士、藍調音樂演出，連續三日帶pûn民眾豐富ke客家文化饗宴，歡迎大家「當然愛聲你」！

活動：

1.鬧棚聲——客家八音堵班．拚場：
十二月十二號(拜六)下晝兩點，新竹湖口三元宮。

2靚聲——客家經典再現演唱會：
十二月十二號(拜六)暗晡夜七點半，新竹縣政府文化局演藝廳。

3.新聲——客家管弦新味緒音樂會：
十二月十五號(拜二)暗晡夜七點半，臺灣戲曲中心大表演廳。

4.後聲——客家流行音樂大賽：
十二月十九號(拜六)，永豐Legacy Taipei。

5.共鳴聲——客家合唱比賽：
十二月二十六號(拜六)to十二月二十七號(拜日)，苗北藝文中心。

6.臺灣客家音樂節——當然愛聲你
十二月二十五號(拜五)to十二月二十七號(拜日)，臺北華山1914文創園區北側綠地、永豐Legacy Taipei、華山光點電影院。

7.𠊎庄聲——伙房連庄音樂會：大湖之戀
2021年一月二號（拜六）下晝兩點半，苗栗大湖第二停車場。

8.𠊎庄聲——伙房連庄音樂會：大武山下 客音傳唱
2021年一月九號（拜六）下晝三點，屏東萬巒可可莊園休閒農場。

9. 靚聲——客家經典再現演唱會：
2021年一月九號（拜六）暗晡夜七點半，屏東演藝廳。

10.共下聲——客家歌謠交流觀摩賽：北區場
2021年一月九號（拜六）to 一月十號（拜日），新竹竹東ke樹杞林文化館。

11. 𠊎庄聲——伙房連庄音樂會：璞石閣樂音迴響
2021年一月十六號（拜六）下晝兩點半，花蓮玉里璞石閣公園鎮民廣場。

12.共下聲——客家歌謠交流觀摩賽：中區場
2021年一月十六號（拜六）to 一月十七號（拜日），苗栗縣政府文化觀光局中正堂。

13.共下聲——客家歌謠交流觀摩賽：南區場
2021年一月二十三號（拜六）to一月二十四號（拜日），六堆客家文化園區演藝廳。

14.共下聲——客家歌謠交流觀摩賽：東區場
2021年一月三十號（拜六），花蓮縣客家民俗會館ke演藝堂。