《田螺》 |
 |
 |
|
 轉寄 |
Thùng-fâ yí (桐花雨)
作者 Hiû Yit-fàm....邱一帆 2011.05.29
Thùng-su táng hí thèu-nà-táng ke siet-pha̍k
桐樹頂起頭拿頂ke雪白
Sióng vi ô-tsô ke sa-fi liù-hâ yit-tiám
想為ô-tsô ke 社會留下一點
Yit-tiám yit-tiám m̀ tet ngìn siak ke tshîn-pha̍k
一點一點m̀得人惜ke清白
Khiu-la̍k sâm-ngie̍t kô ke mòi-yí
舊曆三月天頂高ke梅雨
Sióng-vi tshâu-sîm ke Thòi-vân lo̍k-hâ yit-tshṳn
想為操心ke台灣落下一陣
Yit-tshṳn yit-tshṳn mò ngìn siak ke yí-suí
一陣一陣無人惜ke雨水
Ngài kì-tshai tshûng-mùn tshièn
我企在窗門前
Sióng khon yû-tshìn ke yí-suí
想看有情ke雨水
Yit-tiám lióng-tiám ngióng-pân lo̍k-hâ
一點兩點ngióng般落下
Ngài khî-tshai tshûng-mùn héu
我企在窗門口
Tham-mong tô-tshìn ke thùng-fâ
探望多情ke桐花
Yit-phì lióng-phì ngióng-pân tá-lo̍k
一皮兩皮ngióng般打落
Mân-thiên ke mùng-sâ-yên
漫天ke濛紗煙
Tshiu-tshiong yit-thiàu tshûng-liàm-pu
就像一條窗簾布
Lâu ngài ke sṳ-sien tái-to tshiû-tshiû
Lâu我ke視線抵到tshiû-tshiû
Thùng thai-kâ ke sîm tsâ-to set-set
同大家ke心遮到塞塞
