《田螺》 |
 |
 |
|
 轉寄 |
Tû-sṳ tshṳ̀-tshòng (都市，磁場)
作者 Hiû yit-fàm.....邱一帆 2011.04.24
Tû-sṳ,khiòng-lie̍t ke tshṳ̀-tshòng
都市，強烈ke磁場
Thùng tai-yû tshṳ̀-sin ke hiông-hâ ngìn
同帶有磁性ke鄉下人
Tshiôn-ngi̍p kì ke tshṳ̀-tshòng
吮入它ke磁場
Pet-fông,tsṳ́-pet-tshṳ̂m só-tsṳ́ ke thi-fông
北方，指北針所指ke地方
Tshîn-tshú phêu-sṳ
清楚標示
Tû-sṳ tshùng-lm̀ ke kuî-tset
都市叢林ke規則
Mò pan-tiám ngìn-tshìn ke mi-si
無半點人情ke味道
Nàm-fông,tsṳ́-nàm-tsṳ̂m só-tsṳ́ ke vi-só
南方，指南針所指ke位所
Siòng-si phêu-mìn
詳細標明
Hiông-hâ ló-ngìn kâ lâu kéu-é ke sên-fat
鄉下老人家lâu狗仔ke生活
Mò pan-tiám tshiâng-tshûn ke hî-mong
無半點青春ke希望
Tû-khiòng-thai ke tshṳ̀-tshòng
都市，強大ke磁場
Thùng ngìn-kâ nó-kîn-tú ke sin-thí
同人家腦筋肚ke性體
Sêu-tshṳ̀
消磁
Phài-liet sṳ̀n yit-thiàu yit-thiàu
排列成一條一條 Tshè-tshè tsang-tsang ke kuî-tset
齊齊正正ke規則
Khon m̀ tó ngìn lâu ngìn tsṳ̂-kiên
看m̀到人lâu人之間
Tsui tsṳ̂n-sîm ke mióng-lu
最真心ke網路
Liù-thûng 流通
