《山肚ke暗夜》

 | | | 轉寄

Y3-thùng-fâ khôi ke sṳ̀-tsiet (油桐花開ke時節)

作者 Hiû yit-fàm.....邱一帆 2011.04.10

行入油桐染開ke山林
Hàng-ngi̍p yù-thùng ngiam khôi ke sân-nâ

拈一蕊春天ke祝福
Ngiâm yit-luî tshûn-thiên ke tsuk-fuk

做成思念ke賀卡
Tso-sṳ̀n sṳ̂-ngiam ke ho-khà

寄分遠方ke童年
Ki-pûn yén-fông ke thùng-ngièn

還記得該年
Hàn ki-tet ke-ngièn

我挽tén你ke手
Ngài ván-tén ngì ke sú

你牽tén我ke手
Ngì khiên-tén ngài ke sú

行入恬靜ke桐花山林
Hàng-ngi̍p tiâm-tshin ke thùng-fâ sân-nâ

還記得該日
Hàn ki-tet ke ngit

一蕊一蕊ke桐花
Yit-luî yit-luî ke thùng-fa

像你án白
Tshiong ngì án pha̍k

像你án純
Tshiong ngì án sùn

還記得該時
Hàn ki-tet ke sṳ̀

一蕊一蕊ke桐花
Yit-luî yit-luî ke thùng-fâ

像你án香
Tshiong ngì án hiông

像你án靚
Tshiong ngì án tsiâng

在這油桐花開ke時節
Tshai liá yù-thùng-fâ khôi ke sṳ̀-tsiet

行入油桐染開ke山林
Hàng-ngi̍p yù-thùng ngiam khôi ke sân-nâ

就想起
Tshiu sióng hí

童年ke童話
Thùng-ngièn ke thùng-fa

桐花裁出ke新娘衫
Thùng-fâ tshài-tshut sîn-ngiòng sâm

遠方ke你
Yén-fông ke ngì

遠方ke思念
Yén- fông ke sṳ̂-ngiam