《善雄牧園》

| | | 轉寄

台北客語禮拜ke沿革 (1) (修訂版)

講到台北客語禮拜,m̀係一件新鮮事,早在三十零年前蔡仁理牧師在中山教會時節,就由中山教會開設客語禮拜,pûn蔡牧師負責。後來,差m̀多中斷十年chang由一羣熱心ke客家牧長在台北市溫州街開拓客家宣教事工,現今已成立非我台灣基督長老教會ke台北客家教會,就係現今ke台北基督教崇真堂。

鑒於台灣基督長老教會客籍信徒,因為搬屋、讀書、抑係就業來台北,chhin多因為語言問題流失在教會之外,或方便上就去參加北京語系ke教會;同時在大台北地區就有四、五十萬客籍人口,為到提供眾多旅北ke客家鄉親聽基督福音ke機會,lâu兼顧旅北客家信徒有用客語禮拜ke機會,在1989年總會第36屆第一pái客家宣教委員會議決設立台北客語禮拜,於同年10月1號得到城中教會then手,開始在該會聚會作主日下晝禮拜。3年後因為年長會友行動不便,在1992年9月6號移往有電梯設備ke艋舺教會繼續主日下午禮拜。