《善雄牧園》

 | | | 轉寄

新春感言(修訂版)

作者 邱善雄 2012.01.22

大家恭喜，今晡日係ên-têu需要又最快樂ke日仔，有人歡喜加一歲，有人歡喜著新衫......，實在ên-têu tshin有福，一年過兩個新年，pûn ên-têu再一pái得到休息lâu快樂，m̀-ku, 無論án-ngiòng,在ên-têu台灣，對舊曆過年ko隆重，過年ke風俗大部分在舊曆年出現......，做得講ên-têu實在有感覺到過年，還係在今日ke過年。因為在liá時tu入春，ko有新春氣氛，在liá時堵好係計畫工作ke時期；寒天已經過，燒暖ke春天降臨，就像萬物復始，ku-só俗語講：「一年之計在於春，一日之計在於晨」。今晡日朝晨堵好係ên-têu新春ke第一日，ên-têu在第一日ke開始就khiung-ha聚集在神殿敬拜，liá係何等ke幸福。今晡日也無mak-ke可講，只有請ên-têu khiung-ha看幾段聖經來互相勉勵。

1、「信主者得福，並無變換」
一年中，在ên-têu記憶中有tshin多人、物ke變換......，會友中也有從熱心ke信徒變成冷心倒退ke信徒......，m̀-ku, ên-têu實在信靠主者，祂oi賜福ên-têu, pûn ên-têu ke事業、子孫益多。

2、「變新創造」
Ên-têu已經平安渡過一年，已經過ke日仔,當事情已成舊事，ên-têu無需要來紀念它，尤其對於過失、失言ke舊事無需要再提，同時，也無需要為舊事罪過另外辯護，舊事已過，全部變成新ke. Ên-têu看每個家庭在過年前就清掃屋下內外，佈置煥然一新，舊衣m̀著另外著新衣；m̀-ku, ên-têu必須將以前ke過往污穢ke舊事全部清淨，ko一pái迎主係在ên-têu心中，pûn ên-têu變做新創造者。

3、「靠主得新力」
一年中ên-têu大家在主ke教導，協助教會工作，振興上帝ke教會......，大家出力，盡心來做事，無tshái ên-têu信心軟弱，致使有yit多人對教會工作覺到累，m̀-ku, liá段聖經lâu ên-têu講需要信靠上帝，祂就會賜新力量pûn ên-têu,上帝賜ên-têu ke方法pûn會友增加一位，或使教會工作進展順利。

4、「主ke途徑有滴油」
回想ên-têu一年ke生活實在有堵到苦事，m̀-ku,假使行在上帝ke路者，全部m̀會失望，因為主ke路lúng-tsúng有滴油，在賜福pûn祂ke子民......，願ên-têu做得在新春ke首日就遵行主道，得到祝福；最尾ên-têu oi常常感謝主ke恩典，感謝主ke大慈愛。