《客家消息》

 | | | 轉寄

轉載：2026「海內外客家後生交流營」陪伴員招募

作者 2026.06.21

　　「2026海內外客家後生交流營」he客家委員會重要年度盛事，透過文化理解lâu實地見學，培育海內外客家後生成為yû國際視野lâu在地實踐力ke現代後生人，2026年oi to六堆客庄，pûn客家新世代用雙手雙腳，親身實踐文化傳承。
　　Vi著pûn活動成功引導後生自主思考意識，客委會今年度調整營隊辦理形式，特別規劃「營主任」lâu「陪伴員」then sú營隊運行，tui liá ha to六月二十五號（拜四）招募2026「海內外客家後生交流營」陪伴員。誠摯邀請中華民國國籍、大學畢業to三十五歲以下，認同客家文化、yû開放心胸lâu溝通熱情ke後生人加入，me歡迎本土語言客語教師報名參加。
　　陪伴員，會進行教案實踐、oi帶等大家共下讀客家文學並討論，lâu學員做伴去文化實地觀察，then sú學員以新ke眼光理解客家、理解時代，me深刻認識自家。透過三日職前培訓，參加ke人會學著認識自家、認同建構、母語文化、教案設計、共讀引導、營隊倫理lâu陪伴界限liá têu課程，me oi lâu學著ke正經用ti七月二十五號to七月三十一號ke「海內外客家後生交流營」。
　　報名時間tui liá ha to六月二十五號日(拜四)，培訓時間he七月二十二號(拜三)to二十四號24日(拜五)，培訓、三餐、棧宿tu m̀ sṳ́出錢。完成培訓合格結業後，客家委員還會核發結業證書，做得向相關單位申請教師研習時數、志工服務時數登錄；培訓結束voi選出六to八儕做營隊陪伴員，錄取結果另外通知。服務期間提供膳宿、保險、逐日新臺幣兩千個銀輔導費lâu覈實支付往返交通費。

🏃‍報名網站：https://forms.gle/nLGbbMEtKUcYa7b76。
📌培訓地點：人本教育基金會南部辦公室(高雄市中正一路249號7樓)