《客家消息》

 | | | 轉寄

轉載：苗栗縣大人細子鬧熱打嘴鼓比賽

作者 2025.09.14

　　2025苗栗縣大人細子鬧熱打嘴鼓比賽，十月十九號ti縣府第一辦公大樓大廳登場，縣府八月二十八號舉辦記者會邀請親子組隊來打嘴鼓，九月四號開始開放線上報名，報名時間to九月三十號。期望透過比賽營造家庭客語友善環境，pûn學生仔還較主動、歡喜來講客，平常生活自自然然「學講客」、「會講客」。

　　舊年頭一擺辦理「苗栗縣大人細子鬧熱打嘴鼓比賽」，liá he同傳統制式比賽mò共樣ke比賽，以親子客語日常對話為主題，結果效果良好，故所今年決定oi還啊盛大舉辦。比賽分tso幼兒、國小低、中、高年級組，各組參賽隊伍比舊年增加五隊，逐組各十五隊，voi選出第一、二、三名、優勝lâu佳作，總獎金三十七萬六千個銀。

　　逐組第一名獎金兩萬個銀、第二名獎金一萬六千個銀，第三名獎金一萬個銀。優勝voi選出六儕，獎金各五千個銀。佳作me voi選出六儕，獎金各三千個銀，歡迎親子組隊報名，報名網址：https://forms.gle/gmz6tjfH4bq2UxTR9，詳情請to苗栗縣政府文化觀光局官網https://www.mlc.gov.tw/最新消息/活動快訊查看，若he有相關問題，做得打電話pûn承辦廠商吉元有線電視劉小姐（037）288600#6618，me做得打電話pûn文觀局客家事務科謝小姐（037）352961#319。