《客家消息》

| | | 轉寄

轉載:彭歲玲詩畫選集《記得你ke好》

  彭歲玲,苗栗三義人,台東大學華語文學系台灣語文教育碩士,退休後,繼續用心傳承客家。Liá-ha he客家委員會委員、講客廣播電臺主持人、客語文學作家、客語薪傳師。

  Kì當好寫作lâu畫圖,客語文學作品me受著大家肯定,識得著2015桐花文學客語新詩獎、教育部102閩客語文學教師組短篇小說獎、102客家筆會客語文學創作短篇小說獎、六堆大路關文學獎103 lâu 104年客語現代詩lâu短篇小說獎、106 lâu 108年苗栗縣文學獎兒童文學創作類入選me得著出版機會。Ya yû參加「客家女聲」女詩人團隊,用創作lâu吟唱客語詩,pûn大家看著客家、認識客家。Liá-ha tai台東,專心創作,me帶等細人仔共下創作詩畫lâu童話繪本。

  今年(2021年)二月出版ke《記得你ke好》,he詩畫選集。該二十四首詩,首首tu he kì生命心情ke展現,me he liá幾年來盡感動自家ke作品,yû對身邊ke人事物,對深愛ke土地,詩寫深情,圖繪詩意,二十四首詩,yû二十四幅畫,phòng-phai情感交織串聯圖文。其中yû五首詩寫成歌,三首yû拍MV。

  詩用客話、英語、華語三種語文呈現、對譯,為著保留珍貴ke阿姆話lâu提升阿姆話ke國際價值,篇篇tu yû附客話lâu英語ke QR Code音檔,三首MV me 共樣附上QR Code,歡迎大家買來欣賞喔!