《客語短詩讀本》

 | | | 轉寄

Tsûng-ngièn-tsiet...中元節

作者 杜潘芳格 白話字 邱淑華 2008.07.27

listen 四縣腔

listen海陸腔

Ngì
你
Fôn-hí tshai ke fun-tsha̍p ke
歡喜在該紛雜ke
Ngìn-khiùn tì-poi
人群底背
Tuî-khiù-“m̀ ki-tet ngì tshṳ-kâ
追求「m̀記得你自家
he má-sà”
係麼儕」
Ngài,tshai ngìn-khiùn tì-poi
我，在人群底背
Yet lòi tshiu yet tshîn-tshú
越來就越清楚
Ngài he kû-thu̍k sìm-tsêu ngìn
我he孤獨心焦人
Kung-hien pûn tsûng-ngièn-tsiet tsí-tién ke
貢獻pûn中元節祭典ke
Thai tsû-kûng
大豬公
Tá-khôi thai-thai ke tsoi
打開大大ke嘴
Ham yit-tsak ”kâm-ngien”
含一隻「甘願」
Put-lun má ke sṳ̀-tsiet
不論麼个時節
Pûn kì hàm ”kâm-ngien” ke
Pûn佢含「甘願」ke
Tshiu he ngài,mò tshiù he ngì.
就he我，無就he你。