《客語漢羅聖經試讀版》

| | | 轉寄

馬太福音 第三章_1 施洗約翰ke傳道

3:1 該時,行洗禮ke約翰就來到猶太ke曠野宣傳,講:
3:2 「你teû應當oi棄絕罪惡,因為天國會實現lé.」
3:3 約翰即係先知以賽亞所講ke人;他講:在曠野有人喊講,「Oi準備主ke路,修直祂所oi行ke細路。」
3:4 約翰著ke駱駝毛做ke衫服,腰圈thak著皮帶;食草猛lâu野蜜過日仔。
3:5 該時耶路撒冷,猶太全地,lâu約旦河一帶ke地方ke人,都出來就近約翰。
3:6 他teû承認自家ke罪,約翰在約旦河為他teû洗禮。
3:7 約翰看到法利賽lâu撒都該人也來親就他行洗禮,就對他teû講:「你這teû毒蛇啊!上主ke審判會到了,你teû láu-tó閃得開嗎?
3:8 總係oi用行為來證明你teû已經悔改。
3:9 M̀好自家想講,我teû有亞伯拉罕做祖阿爸,就免受審判。因為我lâu你teû講,上主能對這teû石頭為亞伯拉罕造出子孫。
3:10 這下斧頭已經放在樹頭頂囉!所以無結好果子,就全部斬掉,fit落火底背。
3:11 我就用水向你teû行洗禮,表示你teû悔改;m̀-ku在我後背來ke人,權力更大過我,祂ke鞋仔我也無資格代祂khoan,祂一定用聖靈lâu火為你teû行洗禮。
3:12 祂ke手拿著簸箕,oi潔淨祂ke麥串,將麥仔收入倉庫,將礱糠用m̀會滅ke火來燒掉它。」