《客語漢羅聖經試讀版》

| | | 轉寄

約翰福音 第二十一章_1 對七ke學生顯現

21:1 這teû事之後耶穌在提比哩亞湖邊顯現pûn祂ke門徒看,祂顯現ke經過就係án-ngiòng.
21:2 有西門彼得,多馬稱做雙生仔ke,加利利ke迦拿人拿坦業,lâu西庇太ke兩個 lai-é,又另外兩個門徒,全部同在。
21:3 西門彼得對他teû講:「我來去打魚仔。」他teû對他講:「我teû也oi lâu你共下去,」所以就出去,上船;總係歸暗晡無所得。
21:4 總係到天光lé,耶穌khî在湖sùn, 獨係門徒m̀知係耶穌。
21:5 耶穌對他teû講:「朋友啊!你teû有mak-ke好食無?」他teû就應祂講:「無。」
21:6 祂就lâu他teû講:「將網仔ve在船ke右片,你teû就一定得打到。」所以他teû照祂ke話ve網仔下去,結果拉m̀上來,因為魚仔thet多。
21:7 耶穌所愛惜ke門徒對彼得講:「係主。」所以西門彼得,一下聽到係主,就著轉他ke外衫,(因為他ke時係打赤膊) 跳落水底背。
21:8 其他ke門徒將船撐近湖sùn,將網魚仔拖過來,因為他teû離湖sùn無遠,大約有一百公尺án-ngiòng.
21:9 所以上岸lé, 他teû就看到一堆火炭火,頂高有魚仔lâu餅仔。
21:10 耶穌lâu他teû講:「你teû將得到ke魚仔拿上來。」
21:11 西門彼得就上去將網仔拖上陸地,網肚裝滿一百五十三條大魚仔, 雖然魚仔án多,網仔也無爛掉。
21:12 耶穌lâu他teû講:「來食朝,」門徒中無人敢問祂,講:「祢係má人?」因為知祂係主。
21:13 耶穌就行過去,拿ke-teû餅仔 pûn他teû,然後pûn他teû魚仔 án-ngiòng.
21:14 這係耶穌從死復活後,第三pái對門徒顯現。