《客語漢羅聖經試讀版》

 | | | 轉寄

約翰福音 第九章_2 法利賽人追究瞙目ke事

作者 客語聖經 2009.01.11

9:13 眾人就帶ke先下瞙目ke人去見法利賽人。
9:14 耶穌攪泥醫好他目珠，ke日係安息日。
9:15 Ku-só法利賽人也在問他，他係ngióng般看到ke. 他就lâu他têu講：「祂將湳泥膏我ke雙目，我就看得到。」
9:16 有têu法利賽人講：「這個人m̀係從上主該位來ke,因為祂無守安息日ke規定，」m̀-ku有別人講：「罪人ngióng得會行án-ngiòng ke神蹟喏？」 他têu就因為án-ngiòng來紛爭。
9:17 他têu法利賽人又問瞙目ke人講：「祂既然醫好你ke目珠，你講祂係ngióng般 ke人。」 他應講：「祂係一個先知。」
9:18 Ku-só ke-têu猶太人就m̀信他先下係瞙目ke, 這下已經看得到；等到將他ke爺ôi尋來。
9:19 他têu問講：「這個係你têu ke lai-é係無？你têu m̀係講他出世就瞙目嗎？他這下ngióng看得到？」
9:20 他ke爺ôi應講：「他係我têu ke lai-é. 我têu知他出世就瞙目。
9:21 他這下ngióng看得到，我têu就m̀知；係má人醫好他ke目珠， 我têu也m̀知；他已經大lé,你têu問他，他自家會lâu你têu講。」
9:22 他ke爺ôi án-ngiòng講，係因為驚猶太人ke領袖，因為猶太人ke領袖已經講好，假使有人承認耶穌係基督，就oi將他逐出會堂。
9:23 Ku-só他ke爺ôi 正講：「他已經大lé, 你têu去問他。」
9:24 他têu就將先下瞙目ke人喊來，又對他講：「你一定 oi講實話，在上主ke面前；我têu知ke人係罪人。」
9:25 他就應講：「祂係m̀係罪人，我m̀知；我知一件事，就係我先下係瞙目ke,這下看得到。」
9:26 他têu又問他講：「祂lâu你做mak-ke事？Ngióng般醫好你ke目珠？」
9:27 他就應他têu講：「我lâu你têu講過，你têu也無oi聽；做mak-ke 這下就oi聽nè? 敢講你têu也oi做Kiâ門徒嗎？」
9:28 他têu就罵他講：「你係Kiâ門徒；m̀-ku我têu係摩西ke門徒。
9:29 我têu知上主有lâu摩西講過話；m̀-ku ke-tsak人我têu m̀知祂從nai位來ke.」
9:30 Ke人就應他têu講：「這就奇怪lé. 祂醫好我ke目珠，總係你têu m̀知祂從nai位來ke.
9:31 我têu知上主m̀聽罪人ke祈求；祂只有聽ke敬拜祂，並實行上主旨意ke人。
9:32 創造世界以來，出世就瞙目ke,màng識聽過有人醫好他ke目珠。
9:33 除非這個人係從上主來ke, 祂mak-ke都無法做。」
9:34 他têu就對他講：「你出世在罪惡中ke東西，ngióng般敢教訓我têu ?」他têu就將他逐出會堂。