《客語漢羅聖經試讀版》

 | | | 轉寄

馬太福音第二十五章_03 最後ke審判

作者 客語聖經 2013.02.03

25:31「當人子在祂ke榮光lâu眾使者同祂共下ke時候，祂oi坐在榮光ke寶座頂。
25:32萬民全部oi聚集在祂面前，祂就將他têu分做兩群，像掌羊ke人將綿羊對山羊中分開來án-ngiòng.
25:33祂oi將綿羊放在右片，山羊就放在左片。
25:34王就oi對在祂右片ke人講：『你têu得到Ngâ爸賜福ke人，好行前來承受對創造世界以來就為著你têu所準備ke國。
25:35因為我肚飢，你têu pûn我食；我嘴燥，你têu pûn我飲；我出外流浪，你têu就接納我；
25:36我打赤膊，你têu就pûn我著；我發病，你têu照顧我；我在坐監仔，你têu來看我。』
25:37「Ke-têu義人就應祂講：『主啊！我têu在幾時看到祢肚飢，就pûn祢食；你嘴燥，就pûn祢飲？』
25:38 又在幾時看到祢出外流浪，就接納祢；祢打赤膊，就pûn你著？
25:39又在幾時看到祢發病，或者在坐監仔，就來照顧祢喏？』
25:40王一定oi對他têu講：『我實在lâu你têu講，你têu已經有行這têu事在我ke-têu兄弟身上，就係行這têu事在我身上！』
25:41「然後，王又oi對祂左片ke人講：『你têu受咒詛ke人，好離開我，入去ke為著魔鬼lâu他ke 爪牙所準備永遠不滅ke火底背！
25:42因為我肚飢，你têu無pûn我食；我嘴燥，你têu無pûn我飲；
25:43我出外流浪，你têu無接納我；我打赤膊，你têu無pûn我著；我發病，也係坐監仔，你têu也無照顧我。』
25:44 “「該時，他têu就應祂講：『主啊！我têu在幾時看到祢肚飢，也係嘴燥，也係出外流浪，也係打赤膊，也係發病，也係坐監仔，無服事祢喏？』
25:45祂就應他têu講：『我實在lâu你têu講，你têu當中無行這têu事，m̀肯幫助人，就係無行這têu事來幫助我。』
25:46這têu人oi受永遠ke刑罰；總係ke-têu義人就oi得永生。