《客語漢羅聖經試讀版》

 | | | 轉寄

馬太福音第二十三章_02 責備假好ke人

作者 客語聖經 2012.11.11

23:13「你têu法利賽人lâu 這班假好ke經學教師慘lé ! 因為你têu在人ke面前將天國ke門關起來，因為你têu自家m̀入去，也m̀ oi pûn ke-têu想oi入ke人入去。
23:14「你têu 這班假好ke經學教師慘lâu 法利賽人慘lé ! 你têu虧欠寡婦，吞她têu ke產業。然後在人ke面前表演長篇ke祈禱。所以你têu一定會受到盡嚴ke責罰。」
23:15「你têu法利賽人lâu 這班假好ke經學教師慘lé ! 因為你têu行遍天涯海角，oi使到每一個人來入教，等到他têu入教以後，你têu卻使他têu變做比你têu加倍壞，比你têu更加當受地獄ke刑罰。
23:16「你這têu青盲 ke帶路ke人慘lé ! 你têu講：『人假使指著聖殿來發誓，就無mak-ke相關；假使有人指著聖殿肚 ke金仔來發誓，他就定著oi遵守。』
23:17你這têu青盲ke戇仔啊！借問，係金仔較重要，或者係使金仔成做聖物ke聖殿較重要喏？
23:18你têu又講：『人假使係指著祭壇來發誓就無相關；假使有人指著祭壇頂ke祭物發誓，他就定著oi遵守。』
23:19你這têu青盲仔啊！係祭物較重要，或者係使祭物成做聖ke祭壇較重要喏？
23:20總係，指著祭壇來發誓ke人，就係指著祭壇lâu一切在祭壇頂ke祭物來發誓；
23:21指著聖殿來發誓ke人，就係指著聖殿lâu 住在底背ke上主來發誓；
23:22指著天來發誓ke人，就係指著上主ke寶座lâu坐在頂高ke上主來發誓。
23:23「你têu法利賽人lâu 這班假好ke經學教師慘lé ! 因為你têu將薄荷，茴香，八角這têu香料也獻十分之一pûn上主；總係律法中較重要ke, 即係公義，憐憫，lâu信實，你têu就放掉它。其實這têu就應當oi盡力去行ke ;其他ke,也做m̀得忽略。
23:24你這têu青盲帶路ke人啊！你têu對飲料中將虻仔濾出來，總係，駱駝你têu就吞落去。
23:25「你têu法利賽人lâu 這班假好ke經學教師慘lé ! 因為你têu將杯仔lâu 盤仔ke外背洗到án淨浰，m̀-ku ke內肚就裝滿貪心lâu放蕩。
23:26青盲ke法利賽人啊，你先將杯仔ke底背洗淨浰，án-ngiòng他ke外背也會淨浰。
23:27「你têu法利賽人lâu 這班假好ke經學教師慘lé ! 因為你têu係像粉白ke墳墓，外背看起來盡靚，總係ke底背就係充滿死人骨頭lâu各樣齷齪東西。
23:28你têu也係án-ngiòng, 表面pûn人看起來十分公正，總係內心就充滿虛假lâu 邪惡。